ចម្រៀងសរសើរព្រះ

 រស់ដោយព្រះវិញ្ញាណបរិសុទ្ធ

(បទទី២ ទំនុកខ្មែរបរិសុទ្ធ លេខ៨៨)

999

អឺអឺអឺអឺងអឺយ

១- ពេលនេះយើងខ្ញុំជាគ្រីស្ទាន   រស់ដោយព្រះវិញ្ញាណបរិសុទ្ធ   អឺអឺអឺអឺងអឺយ

ពេលនេះយើងខ្ញុំជាគ្រីស្ទាន   រស់ដោយព្រះវិញ្ញាណបរិសុទ្ធ

ជាជីវិតថ្មីពីរាជបុត្រ    ដោយព្រះគុណសុទ្ធព្រោះទ្រង់ប្តូរ    អឺអឺអឺអឺងអឺយ

ពេលយើងមានទុក្ខអធិស្ឋាន   នៅក្នុងព្រះនាមព្រះយេស៊ូវ   អឺអឺអឺអឺងអឺយ

ពេលយើងមានទុក្ខអធិស្ឋាន   នៅក្នុងព្រះនាមព្រះយេស៊ូវ

ព្រះវិញ្ញាណជួយដោយតម្ងូរ   ឱ្យយើងមានផ្លូវបានមេត្តា​ ។

អឺអឺអឺអឺងអឺយ​

២- យើងខ្ញុំរស់នៅក្នុងភាពបរិសុទ្ធ    មានអង្គរាជបុត្រជាតម្រា   អឺអឺអឺអឺងអឺយ

យើងខ្ញុំរស់នៅក្នុងភាពបរិសុទ្ធ   មានអង្គរាជបុត្រជាតម្រា       

រីព្រះបន្ទូលជាអាហារ   ពេញដោយចេស្តាឥតខ្វះឡើយ   អឺអឺអឺអឺងអឺយ

ឯអ្នកជិតខាងជាបងប្អូន   យើងស្រឡាញ់ស្ងួនឥតកន្តើយ   អឺអឺអឺអឺងអឺយ

ឯអ្នកជិតខាងជាបងប្អូន   យើងស្រឡាញ់ស្ងួនឥតកន្តើយ            

ជួយដោះទុក្ខគ្នាឱ្យបានស្បើយ   ឥតតបស្នងឡើយការអាក្រក់។

អឺអឺអឺអឺងអឺយ

៣- យើងរស់សង្ឃឹមក្នុងជំនឿ   ឥតមានស្ទាក់ស្ទើរចង់ដេកលក់   អឺអឺអឺអឺងអឺយ

យើងរស់សង្ឃឹមក្នុងជំនឿ       ឥតមានស្ទាក់ស្ទើរចង់ដេកលក់

មានរូបកាយថ្មីចាំខាងមុខ    រស់ក្នុងស្ថានសុខរៀងអស់កល្ប   ។

បញ្ចប់-     អឺ  អឺ  អឺ  អឺង  អឺយ ៕